يا قاصد أحمد ... قصيدة للشاعر د. اسماعيل أحمد المعماري من العراق
قصيدتي بعنوان يا قاصد احمد
اقؤؤؤؤؤؤؤؤؤؤؤؤل
هلا بنور الهدى طه وحي له
خدع ما بانت بعهده وحيله
اللهي اكرمه وانزل وحي له
ينور الكون چي بدر الدجى
ويا گاصد احمــد هاك اخـذ مرسالي
وبلـــــغ ســــلامي للنبـــي الغــالي
@@@@@@@@@@@@@@@
يا گـاصد احمــد هـاك مـي عيـوني
يـذرف ولا بـطل اسـأل اجفـــــوني
احبــابي راحـو والاهـــل جافـوني
هايــم بحبــك مــــا تفــــارگ بـالي
@@@@@@@@@@@@@@@
يا گاصـد احمـد هاك اخذ مكتوبي
بلچـي بجاهــو تنمحيـلي اذنـوبي
گـلو تراهــو مــن الوهـن مجذوبي
مالـوى غيــرك بـــعد ربــــي غالي
@@@@@@@@@@@@@@@
يا گاصد احمد هاك اخذلي متاعي
نـسل الحسـين وابـد مـو طمـاعي
اجــدادي كلتـهم فــخر وإسـباعي
افــديهـــم بـــروحي مـــع دلالي
@@@@@@@@@@@@@@@
يا گاصـد احمـد بالسـلامه تعودي
من ارض طيبه وبالعطر ممدودي
اگـصد محـمد بالعــهد مشـهودي
يـعـود فـرحان واخـوه الغـــالي
@@@@@@@@@@@@@@@
يا گاصد احمـد بالرحيـل اعلمني
والله ان مشيتو افرككم يؤلمني
بذروت ابـو عبدالله هــو سلمني
من صحبة الجـالب معـاه الجالي
@@@@@@@@@@@@@@@
يـا گـاصد احمـد للمديـنه مـرها
نورت من جاها الحبيب ومرها
هذا ابو القاسم بالفعل سامرها
ارتـاح لـو اكتــب لكـم مـــوالي
@@@@@@@@@@@@@@@
ياگـاصد احمـد صـل عالمختـاري
هذا ابو الزهره صاحب الاسراري
انــوار طـــه فـاقــت الانــــواري
منـي تـحيـه وارســـل بـجـوالي
@@@@@@@@@@@@@@@
يا گاصد احمـد مـن تعبر احدودي
ســلم علـى طــه أميـر اجـــدودي
گلو ترى اسماعيل يذب مجهودي
ويطلب رضا الله صاحب الجلالي
@@@@@@@@@@@@@@@
جاني اللهام امدح حبيب الروحي
طـه منـات الكـل گـلب مجروحي
يـا ربـي يـا معبـود ســلم بــوحي
تـمدح اهل گلبي الرواسي العالي
@@@@@@@@@@@@@@@
اسماعيل الاحمد هذا ابو رضـواني
يختـم مديحـو عالنـبي العـدنـاني
بـعـداد مـا انـجب نـسـل عــدواني
واعــداد ذرات المـطـر بـجبــــالي
@@@@@@@@@@@@@@@
يا گاصد احمــد هاك اخـذ مرسالي
وبلـــــغ ســــلامي للنبـــي الغــالي
@@@@@@@@@@@@@@@
بقلمي
د. اسماعيل احمد المعماري
تعليقات
إرسال تعليق