خريف العمر .. محكي للشاعر السوري سليمان أبو لطفي وسوف
احد مبارك عليكم
خريف العمر
لما الصباح بنور ثغرك ينجلي
بشعر بكلشي مر بالدنيا حلي
بتشدني الاشواق لماض السنين
بحن ليكي بقول ماشتقتي الي
بشتقلك وبشتاق لهاك الجبين
الخلق عالي نور الدنيا وعلي
كنتي بشبابك حلوة الحلوين
كرسة ملوك الحلا حقك تعتلي
نبقى سوى للصبح سهرانين
حس حالي وانتي حدي بوعلي
بضيعه مابين السرو والشربين
كانت ولادة حب حبي الاولي
عالوفا والصدق اقسمنا اليمين
وانتي حلفتي بغيرنا مابتقبلي
ظلم القدر شو فرق محبين
مع غيرنا حكم الطريق تكملي
واليوم جاوز عمرنا السبعين
وتنيننا صرنا بأصعب مرحلي
بحواضنا دبلوا زرار الياسمين
عيشة قهر كلا قساوي وبهدلي
ريتك بقيت بعيد ياتشرين
مأكد ماالها حل فيك المشكلي
للمضى بيشدنا شوق وحنين
لا الندم بينفعنا ولا كتر الأنين
علي مضى والراح لا لا تزعلي
٢٠٢٦/٥/١٧
سليمان ابو لطفي وسوف
تعليقات
إرسال تعليق