شو بتخسري.محكي للشاعر السوري محمد قاسم أبو ثائر
شو بتخسري: محكي
شو بتخسري من يوم ما وعينا
نسقي الورد والورد يسقينا
وانت عباب الدار عربشتي
كتبتِ الأسامي بحبر ماضينا
-------
شو بتخسري لو ها الحلا كلو
بايدي لمستو والعدا فلّوا
وعطر الندي لوردك احتلو
وزرار قلبي سكّروا المينا
-----
شو بتخسري نمشي سوا بمشوار
ويحلى السهر مع بعضنا سمّار
منك قصيدة وبعدها أشعار
بحور الشعر كلها تغَنينا
----
شو بتخسري تنامي عا المخدة
اسمي واسمك نرسمن ورده
اذكرلك الأيام وتعدي
مافي عذر لا يوم لو انسينا
-------
شو بتخسري نعمل سوا وحده
لايوم عا حدودي وتتعدي
انت يا اغلى الناس لي عندي
وعذّال قلبي شككوا فينا
------
ضلّي معي ولا تسمعي العزال
ولا تسمحي للثرثره وال قال
حبي إلك أرزه وما بتنطال
بغيمة غفونا الشمس تحمينا
-------
من يوم يومو الحب شو مظلوم
مطرود أو منفي وبعد محروم
ليش الدني للعاشقين تلوم
ياحيف ماضل عنا نَص
بعد الفشل للحق يهدينا
محمد قاسم ابو ثائر 31/3/2023
تعليقات
إرسال تعليق