جمر ورماد .. محكي للشاعر السوري أحمد دلول
جمر ورمااااد
لاتنفخي وتتعذبي ماضل جمر
لولا النبض بالقلب هالجثه رماد
بالامل بالتغيير ضيعنا العمر
نصفي انا متحرك ونصفي جماد
قلبي حجر جلمود قد من الصخر
وبسمة طفل بتحركو عند الرقاد
بيحلم متل مااحلمت بأني نسر
بكبد السما عم عد نجماتو البعاد
يغمض عيونو يخاف ليطل الفجر
يضيع الحلم وماعاد للرجعى معاد
احلامنا صفت ياأولادي قهر
ان كنت صاح اوكنت وقت السهاد
عامل عليي نمر وع غيري فأر
من وكلك لتصير حاكم للعباد
لحظه علينا تمر احسبها دهر
وايامنا متكلله بحقد وسواد
وبعدك تقلي استعينوا بالصبر
حقك بيرجعلك بأيام المعاد
من ارض بيتي كل شبر عامل ندر
لو البست اكفاني واعلنت الحداد
وبالاخره عنا حساب وفي امر
ودعوات ربي ل عبادو بالسداد
سطر وعلم بالقلم وعلمو بحر
مانفذعلمو لو البحر صفا مداد
متلي انا الفينيق لما ينصهر
بيعود بعد الحرق بريشاتو الجداد
تعليقات
إرسال تعليق