ظنيت ..محكي للشاعر السوري ناصر صالح
ظنيت عندي بهالدني أصحاب
أصحاب فيهن ينسند قلبي
و ظنيت لما بيبرم الدولاب
بلاقي حدا بي برمتو جنبي
ظنيت تاري الظن فيهن خاب
و ما فاد معهن طيبتي و حبي
و تعبت معهن وما وفوا الأتعاب
و يا حيف معهن ينكروا تعبي
ما ضل حدا ماراح عني و غاب
عايش لحالي أشبه بغربة
ما عاد قلبي يآمن بأحباب
عملوا القلب بي إيدهن لعبة
و يا للأسف صاروا متل أغراب
ال كانوا يحلفوا بيفضلوا قربي
ال كانوا عليي يدقدقوا الابواب
ما عاد عم شوفن على دربي
مو جاي عاتب شو نفع العتاب
معهن فتت بي حرب مو حربي
بعمري بحياتي ما حسبت حساب
منهن يا قلبي تاكل الضربة
-------------------------------
ناصر صالح
تعليقات
إرسال تعليق