كنت بحالي .. قصيدة محكي للشاعر السوري ناصر صالح
( قصيدة بعنوان
كنت بحالي )
كنت بحالي شو اللي صار
لا حب و لا حنية
فجأة شعلت فيي النار
و كل شي احلو بعينيي
و صارت تاخدني الأفكار
و قلبي دقاتوا مية
متل ال ضاربني زلزال
زلزل كل شغلة فيي
و حاسس كل شي براسي طار
و حاسس رجفة بأيديي
و صرت عليها جن و غار
و ما عاد بدي غير هيي
و ما عاد بدي يمر نهار
و ما لاقيها حواليي
و ما بدي غيرا إختار
هيي من الله هدية
صارت سر من الأسرار
و جواتي متخبية
و صارت نغمة عا الأوتار
و أحلا لحن و غنية
و صارت لعيونا الأشعار
و رح إكتبلا يومية
و صارت عمري باختصار
و اغلا من روحي عليي
----------------------
ناصر صالح
تعليقات
إرسال تعليق