شروقي.. للشاعر طوني الحكيم من لبنان

 // زجل الإثنين //

شروقي

 

                لو كنت عارف ؟

لو كنت عارف أنا لمّا بيجي كانون

                  إنّك بشهر التلج والريح برّيده

تا كنت جبلك دفى من وهج احلى عيون

 ومن كل خفقة قلب شعلان ،تنهيده

لو كنت عارف غرامك بالقلب مسجون

        وعشتي ليالي الهوى عن ولفك بعيده

تا كنت جبلك معي حرّية الحسون

            وكرجات بطّة عا وجه المي غرّيده

لو كنت عارف براسكْ،في ألم وجنون

         وعن طير حلم الصبا والشوق شرّيده

تاكنت جبلك دوا،إبرة عطر ودهون

       ودمعة حمام العشق عن سطح قرميدي

لو كنت عارف عليكي للقمر في ديون

           وعن وجه خد القمر كل يوم بتحيدي

تا كنت جبلك معي من الكوثر المخزون  

              وسدّد ديون الوفا وحقّق مواعيدي

عودي تا نرجع متل طيرين فوق غصون

               ونعيش طول العمر إيامنا جديدي

وما نعود نسمع سوى عالوعد يا كمّون

            وتضل إيدك معي ومكمّشه بإيدي 

//.............//................//

(( الشاعر..طوني الحكيم..))

// ٨ // ٦ // ٢٠٢٦ //