قلبي سألتي .. محكي للشاعر السوري ناصر صالح
قلبي سألني ليش ما بتحب
شو باك متغير إلك مدي
ضحكت وقلت عطول بوقع طب
منشان هيك الحب ما بدي
لا ني حكيم ولا إلي با الطب
اتركني يا قلبي شوي متهدي
اتركني ما بدي إلعنك أو سب
حاجة يا قلبي عم تجي ضدي
اتركني يا قلبي بناشدك با الرب
بعرف طريقي لوين بيودي
مسدود بيطلع آخرو ها الدرب
وبرجع أنا و دموع عا خدي
وين الوفا هيدا السؤال الصعب
وينو الوفي ال ما يفل من حدي
اتركني بحالي بناشدك يا قلب
ال شفتو أنا من الحب بيقدي
مين اللي متلي دموع عينو صب
و شربت دموع العين المخدي
ومين اللي متلي اتجرح من الحب
و ما في حدا ب حبو إلي جدي
ما في يا قلبي حب كلو كزب
هيدي القناعة اتولدت عندي
وان عاد قلتلي يا قلبي حب
بدي بإيدي أدفنك بدي
----------------------------
ناصر صالح
تعليقات
إرسال تعليق