الواقع.. محكي للشاعر السوري أحمد دلول
الواقع
بعدك صغيري واقفي تتسولي
من قبل خيط الفجردربك نازلي
وين اهلك جاوبتني والدموع
ع خدودها شلال للاعمى جلي
قالت اتركني بعد مااستفحت
لو ثمن ربطة خبز كنت افرحت
شفت الحياء بعينها ولمحت
رغم الفقر بالعز بعدا مكللي
كل يوم عما المحك فوق الرصيف
مو متل بعض الناس تصرخ يالطيف
مبصر معو عكاز او عامل كفيف
ضاعت الطاسه وهون لب المسئلي
في ناس عملت م التسول كار
احترفوا الشجاده كبارها وصغار
منن بناة قصور او تجار
وتعودو ا ذل النفس والبهدلي
ان جار الزمن ع الحر اصلو بيردعو
لايبيع عرضو ولايغير منبعو
وليخون ثدي الكان مره يرضعو
ولايشوف حالو ع الخلق مهما علي
بشحد لطعمي بجيرتي ايتام
وقعت قذيفه فوقن وهني نيام
بنت وصبي احياء من تحت الركام
الاهل ماتو وصرت ليعيشو ولي
قلت احسبيني اخ ثان او صديق
متلك انا لحافي السما وفرشي الطريق
رح ساعدك وبكون لدربك رفيق
نشحد سوا ونصير احلي عائلي
تعليقات
إرسال تعليق