حالف لايلف ولايدور .. محكي للشاعر السوري سليمان أبو لطفي وسوف
احد مبارك عليكم
.حالف لابلف ولابدور.
شعري بليل العتمه نور
للصبح تزقزق عصفور
للعطشان نبعة ميه
وللجايع خبز التنور
للعاشق شعري هديه
للمرضى بلسم وزهور
دمعات عيوني سخيه
بجبركل خاطر مكسور
نار بفصل الشتويه
بالصيف غناني وحبور
علينا الي زغزغ نيه
وتجاهل شاعر مشهور
برأيو نحل البريه
تعدا ع عش الدبور
وما فرق لولا شويه
بين البومي والشحرور
عنو رح قول خطيه
قديش بحالو مغرور
عندي ملاحم شعريه
عندي شعبيه وجمهور
بجوب الجو بحريه
بصطاد بواشق ونسور
قلبي منبع حنيه
عادل بحكمي مابجور
بعطي من دون منيه
بوجه الريح العاتيه
بوقف لا بلف ولا بدور
٢٠٢٦/٦/٧
سليمان ابو لطفي وسوف
تعليقات
إرسال تعليق