كل الكلام .. قصيدة للشاعر السوري ناصر صالح
( قصيدة بعنوان )
( كل الكلام )
كل الكلام بيختفي بلمح البصر
بـشـوفـك عـا قلبي بحط إيديي
بحبك مـا فيي قـولها بالمختصر
بـحـاول أنـا ومـع هـيـك مـافيي
خـلـي عـيـونـي تـقـولـها عني
وإيـدي بـإيـدك شـوقـهـا تـغني
وقـلـبـي لـقـلـبـك يحملا مني
يـمـكـن مـعـي تـطلع بعفوية
------------------------
بـحـضـر كـلام وبـكـتـبو وبقراه
وبـنـطـر لـحتى شوفـك وقولو
ولـمـا مـعـك ببقى أنـا بنساه
وعـيـنـي لعينك هـيي بتقولو
بـعـرف أنـا شـو نـاطـرة مـني
بـعـرف عـاهـالكلمة رح تجني
بـس الـخـجـل مـنـك بيجنني
صعب الخجل لا تعتبي عليي
----------------------
بـحـبـك أنـا وتـاقـولـها مشتاق
بتوقف على لساني إذا بحكي
يـمـكن ما عندي جرأة العشاق
عندي خجل ضايع ورا الضحكة
بـحـبـك مـافـيـي ضـل خـبـيـها
لازم بـوجـهـك يــوم إحـكـيـهــا
شـوفـي عـيـونـي دققي فيها
بـحـبـك كـتـبـتـلـك بـعـيـنـيـي
---------------------------
ناصر صالح
تعليقات
إرسال تعليق