علامات الحب ..محكي للشاعر محمد ابراهيم حجاج
قصيدة علامات الحب
قالولي الحب له علامات
وعلاماتي بقت ليكي
خجول كنت بقيت لتات
وكله بفضل معاليكي
ومن يومي،وحيد متفات
جيتي،بصيتي،بعنيكي
ومن النظرة ومن اللفتات
ووقف قلبي بنبض وفات
ويتحايل ده دي بالذات
عايز يخرج ويرقيكي
ولسه ماشفش الضحكات
ورقة جمال كمان وثبات
ماكانش ثواني يبقي سكات
ونبضه قوام يحييكي
سفينة محملة وردات
وعلي،ميناه يرسيكي
ولو زعلانة منه حاجات
في لحظة يروح يواسيكي
وتتمني،في أمنيات
يحقق كل أمانيكي
وياما حكوا كتير حكايات
لكنه حب يحكيكي
فكوني، عبلة في الروايات
يكون عنتر يفوز بيكي
#محمد_ابراهيم_حجاج
تعليقات
إرسال تعليق