عيد الأب .محكي للشاعر طوني الحكيم من لبنان

 ((  عيد الأب  )) 

بعيد البي،شو عزّت علييّ

                     ما عايد والدي،وجبلو هديّه

شعل فييّ الحنين وحطّ غصّه

                    بقلبي ورسّخ الأحزان فييّ

رصّ بهمّتو ،الأتعاب رصّه

                          وبنى فينا،الحياة العائليّه

وتعب من أجلنا،وكمّل القصّه

                        تَ ربّانا على الإلفه سويّه

طلع كرمالنا أصعب منصّه

                  فيها من التعب بصمات بييّ

وحفر بالصخر والتربه المجصّه

                        تايجمع لقمة ولادو الهنييّ

يا بييّ من القبر،فينا توصّى

                         وبهالذكرى إلك،منّا تحيّه

وإلَك بقلوبنا ،عالبعد حصّه

                وتبقى صورتك بالقلب ورده

                       نحيا بطيبها الصبح وعشييّ

ةةةةةةةةةةةة         ةةةةةةةةةةة

الشاعر.. ./ طوني الحكيم / 

 //  ٢١  //  ٦  //  ٢٠٢٦  //