قاعد لحالي .. محكي للشاعر السوري ناصر صالح
قاعد لحالي بهالدني صفنان
و فجأة بيصير يرن جوالي
ما في إسم والرقم مو عرفان
لمين الرقم هيدا سألت حالي
وفتحت خط وبعدني حيران
ومافي حدا خاطر على بالي
قالت ألو كيفك إنت مو فلان؟
قلت مبلا و انقلبت احوالي
قالت انشالله الصوت مو نسيان
بتتزكرو بعدك يا ها لغالي؟
بعرف أنا مني إنت زعلان
رحت و تركتك وفضلت حالي
بالكون متلك ما شفت إنسان
و عرفت غيرك بالدني مالي
احكيني لا تبقى ساكت وشردان
عاتب خانقني بصوتك العالي
بعرف أنت مشتاق للي كان
ورجعت حتى نعيش هالحالة
و ماعاد بدنا نفترق فهمان؟
وممنوع حبنا يكون الو تالي
قلتلها وينك عند ما كان
قلبي بخطر و احتجتك قبالي
ولما كنت بي فرشتي مرضان
واحتجت منك تبعتي رسالة
وينك عند ما الحب عندك هان
وابكي دموعي و اسهر ليالي
وينو حنانك بس كنت تعبان
وينك عند ما إسهر لحالي
هلق رجعتي ؟ بس صرت نسيان
وبس صار قلبي من العشق خالي
ما عاد قلبي يحتمل أحزان
و ما عاد في عندو حدا غالي
--------------------------
ناصر صالح
تعليقات
إرسال تعليق