ياريت ..شعر محكي للشاعر السوري ناصر صالح
قصيدة بعنوان ( يا ريت )
يا ريت برجع يا زماني صغير
و ارجع طفل ألعب بأرض الدار
و ما شوف اللي اليوم عم بيصير
و ما شوف كل شي بي حياتي صار
ما كان بدي صير شب كبير
يا ريت يا ربي تركتنا صغار
كبرنا لحتى نعيش با التعتير
كبرنا لحتى ننكوي با النار
حملنا يا ربي الهم عا بكير
بذرنا الفرح بس ما نجح البذار
غرقنا ببحر الهم و التفكير
و شو منتلي ها الراس با الأفكار
و ضهرا الدني بتضل إلنا تدير
و فينا ما كانت تلطف الأقدار
يا ريت عندي جناح حتى طير
وما عود أنزل عا الأرض مشوار
-------------------------
ناصر صالح
تعليقات
إرسال تعليق