خدني لعندك ..سدعر محكي للشاعر السوري ناصر صالح
قصيدة بعنوان ( خدني لعندك)
خدني لعندك ما إلي غيرك حدا
خدني لعندك يا عمر فيك ابتدا
إلا معك إنتا ما بدي كون
خدني و بقربك روح تعبانة اسعدا
--------------------------
خدني لعندك يا حضن كلو دفا
خدني و إلي رد الفرح يلي اختفا
و مني وعد ما تشوف إلا كل وفا
كون الحبيب و لا تكون من العدا
-------------------------
خدني لعندك ما بقا عندي صبر
عايش انا من دونك بحسرة وقهر
خايف انا من دونك يمر العمر
بدي معك روحي القديمة جددا
---------------------------
بدي عا صدرك يا حبيبي إرتمي
خايف أنا و بدي بحضنك إحتمي
الدنيا بلاك من السواد معتمي
خدني لعندك ما إلي غيرك حدا
-----------------------------
ناصر صالح
تعليقات
إرسال تعليق