ع بالي محكية للشاعر السوري موسى معروف
((((( عَ بالي )))))
عَ بالي بالشعر أكتب قصيدي
...عن الأوضاع في بلدي الغَريدي
كترْ ما الوَزّ في راسي تَجَلاّ
... عن الأحوال والعيشة العَنيدي
عشر سنين حرب وما تَخَلاّ
...الشريف الحرّ عن فكر وعقيدي
بحرب تجَمّعتْ لكلاب كلاّ
...تريد تعَضّ سورية الفَريدي
عرب أعراب والغرب وأخِلاّ
... خذلو البلد تركوها وحيدي
وعملو كل أشكال المَذَلاّ
..حتى يكَسّرو الصخرة المجيدي
وبعد ما داقتْ الغربان ذلاّ
....وبعد تجريب أنواع المَكيدي
بحرب النار...الجندي ما تخَلاّ
... عن لحدود والدولة العَتيدي
وكَسر شوكة داعش وأهلا
... وقَلّع نابها ب أيدي سَديدي
..........
وأجانا الفيض عَ الناعم يادلاّ
... ب حرب تجويع ما ألها حَميدي
رَفع أسعار عَ كل المَحلاّ
... تَ صار البطل يوقع كالطريدي
ب صَبر وجَلَدْ يا عيني تَحَلاّ
... مش ببارود ومْدافع جديدي
غاز..وخبز...وبترولك تَدلاّ
... حقك فيه...ضايع يا وحيدي
عن الأوطان حُبّي ما يَفلاّ
... بدمي القاني وضحّيت بوَليدي
روحْ لْعَابْ مع غيري تسَلاّ
... تراب البلد بسقيها بوَريدي
عن هالأرض جدّي ماتخَلاّ
... حتى أنت تاخدها ب مَجيدي
وبَيْيِ مات فيها وما تولاّ
... وحُب الأرض...وَرَّثني أكيدي
......موسى معروف......
/////٢٠٢٠/٩/٢٢/////
تعليقات
إرسال تعليق