معذور ياابني.. محكية للشاعرة السورية فهيمة يوسف

 وهذا جواب ام الشهيد على اعتذار الشهيد 

...........................................

.............معذور يا ابني..................

...........................................

لا  تعتذر يا  ابني العالم   يعتذر

....منّك ومن دمّك وروحك والطّهر 

قدّمت روحك والشهادة  مقدّسة

.....فيك وباسمك والشهادة  بفتخر 

....................

يابني صحيح بغيبتك داب القلب 

....جفّت دموعي وقرّح الدّمع الهدب

وانسى غيابك عن نظر عيني صعب

....بس الوطن  محتاج  لجباه  السمر 

.....................

يا ابني رويت الارض  بالدّم النقي

.....وهيك الكواكب في علاها  ترتقي 

يا  ابني  رجائي  من  ألهي  نلتقي

.....بجنة  عدن  و يقصّر  شوي العمر 

......................

يا ابني انت فرحان بالجنة اكيد 

..وحولك رفاقك تنعموا بعيش الرغيد 

وامّك بفخر تعيش بالاسم الجديد 

.....ام  الشهيد  الصابرة   و ام  الصّبر 

......................

يا ابني ما بدي زعّلك  عيش بهنا 

.....نلت  الشهادة و  السعادة و المنى

ياما  اهالي قبلنا   فقدوا  الضنى

.....بس الوطن موجود بقلوب الجميع

....ورايات مجدك ترتفع يوم النّصر....

...............................................