هيمان. محكي للشاعر السوري بطرس الجبور

 هيمان :

..!.........

هيمان عم تكتب إلى حوّا

خلّي كلامك عسل من جوّا

ان كان شعرك للجسد مكتوب

معناه من جوّا متتلوّى

........

حلو الشعر يتناول الأوصاف

اللي رسمها خيالك الشفاف

من الشعر للعينين للأطراف

بوصف الشفايف روق وتروّى 

........

حتّى لو قالوا الناس عنّك جنّ

انسى الرجولة والقساوة وحنّ

خلخالها من الدهب كل ما رنّ

بتقول بمحلّو أنا علوّا

........

كل يوم ليلك تنطرو ع نار

والليل فيه الحب والأسرار

لمّا عليك يطلّ ضو نهار

بتلعن نهارك كل ما ضوّا

....... 

منّي نصيحة وتجربة هالعمر

كل النسا حلوين بيض وسمر

صاحي ان كنت أو منتشي بالخمر

الكلمة اللطيفة بتغلب القوّة

الله خلقلك جوهرة حوّا 

..................................