هيك القدر... محكية للشاعر حسين جمعة من لبنان

هيك القدر

...............

الدنيا عـمرها قصير وكلاّ عِـبَـر

بكرة منقعد نقـلّـب وراق وصور

والعتم سيّج الدار والضباب حـتـار

والنجوم غفيت نـامت وغاب القمر

وحبابنا كل واحد .. حبيبو خـتّـار

هيك الدني والقدر ما بيرحم قدر

ومع كل نسمة ريح الـقـلب بيصيح

مندعي ومنقول الله لطف الله ستر

آخ منك يا عُـمـر شو كنت جـبّـار

الهمّ اكل منّا وأكل منّا الضجر

كبّرو ولادنا وَفرحتي فيهم بمقدار 

حبي للغوالي يجمعنا فيهم سَهَر

(حسين جمعة)لبنان