جمال السهر.. محكية للشاعرة فهيمة يوسف. من سورية

.................جمال السهر .................

..................................................

بسهر ليـالي طــوال تيغيب القمـر 

.......بحاكي نجـوم البـاقيـة عنـد السحر 

وبنده بصمت كبيـر بيدوّي الدنـي 

.......بسمع صدى وعنين من قلب انكسر 

بسمع بصدري صوت بيهدّ الضّلوع 

.......قلبي انكسر ما عاد تنفعني الدموع 

ماشي بدرب وما لها دربو رجوع 

.........مسافر برحلة مـا  لهـا شكل السّفر 

مسافر برحـلة حـب فـوق المستـوى 

.......مـهـمـا يطـول البـعـد ويـزيـد النـوى 

ومهما الخليقة تخاف من نار الجوى 

......عندي الهوى والحـب من صنع القدر 

وعد وقدر مكتـوب إلنـا نستكين 

.......حتى الجـرح والآه فـيـنـا نستهـيـن 

سبحـان الله كيـف خـلّا العالمين 

........واحـد بقلـبــو تلـج والتـانـي جـمـر 

ما فيه حدى مختار قلبو بهالدني 

.......ولافيه حدى بيقول رح كون السني 

ومتل الزمن هالقلب يعلا وينحني 

........ومتـل الصّبـر هالعيش والمر الصّبر 

ياريت قلبي ماخـفـق مرة ومال 

........كـان الفكـر مرتـاح من همّ السـؤال 

بسأل فؤادي ارتاح بيقلّي محال 

........أبقـى دقـيـقـة بلا سعـادة  أنـتـظـر 

وبسهر لحـالي عدّ دقّـات القلب 

.....وبفزع شي لحظة توّه ويضيع التعب 

كنّو السّهر بيضرّ النوم الكسب 

........تبقى  العمر سهران  لو  يفنـى العمر

......................................................