حجر صحي.. محكية للشاعر مازن برهان قاسم من سوريا
** حجر صحي ..
بهالحجر الصحي ياناس
صفينا بلا احسااااااااس
مصيبتنااااااااا بالكورونا
ولا بداااااااااااء الإفلاس
بحبستنا زاااد المصروف
مع إنو ما عنااااا ضيوف
ومع إنو لحم الخاااروف
نسينا طعمو من الأساس
وما عنا سهرة وسيرااان
بكازينو أو بالبستااااااان
وصار بعالم النسياااااان
صحن التبولة والكاااس
بلوتنا مووووو بكورونا
من هالتجّار احموووونا
الخلايق جن جنوناااااا
عقلاتا طاروا من الراس
و من تطنيش الحكومة
بهالايااااااام المشؤومة
كتير الحاااااالة مأزومة
وبهموما غرقانه الناس
ما بدنا موووز وحليب
ولا مستشفى اوطبيب
ولا بدنا يفنى هالديب
و لا حتى لولو والماس
بدنااا يصحى هالضمير
ويفهم مطلبناااا الوزير
قضى عمرووو هالفقير
يضرب اخماس بأسداس
ويااااا وزير الكهرباااااا
حاجة علينااااااا تجدبا
عنااااااا اكتر من وبااااا
وفينا اكتر من وسواس
انشالله عاخير بتمضى
وتتعااافى كل المرضى
وسورية بطولا وعرضا
بتعمل نوبة مع قداس
تعليقات
إرسال تعليق