ديار العز.. دلعونا.. محكية للشاعر مصطفى علي الجندي. من سوريا
ديار العز.. دلعونا
ع خد الشمس كتبتك يبلادي
تحياسوريه بدم الشهاده
خيرك سوريه ياأرض جدادي
يادارالعز رجالا يحمونا
ياسمين الشام الجوري غنّالو
مرحب ياهلا الزاير نيّالو
قال القوال بسوريه قالوا
ياهلا ومرحبا باللي زارونا
ياأرض الطهر ودار الكرامه
يحرم ع العادي يمسّك ياشامه
بنت السوريه أم العمامه
كتبت ع جبينا دمي مرهونا
عنّة ناعوره والعاصي بّالي
مرحب يفرات ونهرالغوالي
يابحرالأبيض موجك يحلالي
إدلب ياإدلب أم الزيتونا
يسويدامتلك ماشافت عيني
حوران ودرعا قلبك والعيني
بيلين الصخران قالولو ليني
قالواللغازي ارحل من هونا
يسهول الخيرسهولك يفراتي
يرجال النخوه بالصعيباتي
هاتي يم خالد يم خالد هاتي
حمص العديه حمص المزيونه
طرطوس ان قالت أوف وعتابا
واللاذقيه بتعلّي بوابا
حلب ياشهبا كتبت ع عتابا
سوريه أمي أم الحنونه
يامحلا بلادي والعايش فيها
قهوتها سخنه بعز لياليها
عينا سهرانه بيشهد ماضيها
والحاضر غنّى الها دلعونا
تعليقات
إرسال تعليق