زهر الخريف. محكية للشاعرة فهيمة يوسف من سوريا

................ زهر الخريف ...................

،....................................................

مرِّت سنين كتير من حُب و عذاب 

........زادت براسي الشيب و بقلبي الشباب 

مرت سنين العمر أشبه بالحلم 

........و أحلى حلم لحظة لقى بين الأحباب

 

كنت بزماني غصن ميَّلني الهوى 

.........وكلمة محبــة نار تحرق في الجــوى 

ظنيت حبي كتاب عا نفسو انطوى 

..........تاري الكتب و الحب بيضلوا شــباب

 

كنت الحلم للحلم و الحلم الجميل 

...........صار الحلم بالحلم إلنا يســـتحيل 

ظنوا بقلبي شَيب لكن مستحيل 

.........يوصل لقلبي الشيب و بقلبي جواب

 

قالوا كفاكي حب بيكفّي غرام 

...........درب المحبــة صعب بتموتي حرام 

قلت المحبة موت ! شو يعني السلام 

...........لولا المحبة كانت الدنيـــــــا سراب

 

حتى الممات بحب يعني انتصار 

.........يعني ع درب مشيت ما فيها انتظار 

و كاس الحبيب ان زاد في مرّو مرار 

..........تحلى المرارة و الحلا كاس الشراب 

كلمة محبة و شوق من قلب الحبيب 

..........تمحي الأسى و تبدل الجو الكئيب 

حتى الدخان الضار بالشكل الرهيب 

........يبقى بعين محب أحلى من السحاب 

لمّا السحاب يعِم عالعالم جميع 

..............تبقى الحياة اليابسة أحلى ربيع 

جنة و ربيع و كون بزهورو بديع 

...............أشبه بليلة حب من بعد الغياب

........................................................