قلتلا بحبك ياناس. قصيدة للشاعرة لينا الخطيب. من سوريا
قلتلا بحبك ياناس
_________________
قلتلا بحبك يا ناس
قالتلي انتا خيي
شو بعمل قلبي حساس
وهيه حلوي وضاويه
رح حط عيوني بالكاس
بلكي بعملهم ميه
بتشفّيني بين الناس
لو كرهوا امي وبيّه
ولك حبيني يابنت الناس
واروي ها القلب شويه
انت زهره وشو بتنباس
صيفيه مع شتويه
عطرك بيضلو الاساس
من شفاف القرمزيه
خالفتي كل المقياس
بالسحر وبالعفويه
صرتيلي متل الوسواس
ساكن و معشعش فِيَّ
لا تخليني كبر راس
وساهرك للصبحيه
بلكي بقولوا من الكاس
ضيع حالو بالافلاس
قلتلن مهرا ياناس
قالوا ليره فرنجيه
تاريها بعرقا دساس
لا بتنشم ولا بتنباس
وما طلعت سلمونيه
لينا الخطيب
تعليقات
إرسال تعليق