. محكية الشاعرة فهيمة يوسف. من سوريا

................كـره الحبـايب .................

...................................................

عا قَــدْ ما بحبـو و نسيني بكرهـو 

.......و عا قــد ما كرهتــو سنيني تألّهــوا 

يا قلب مالَك ؟ كل ما تقلّي نسيت 

......بيعــود صمتك متل صمتي بيندهــو 

تعوّدت يا قلبي على الصبر المرير 

........و الصبـر رغم الشوك بتحسو حريـر 

يامــــا بشر بيفيقا شوك السرير 

.....و لحظة دفـا تحت الشراشف يشتهوا 

و بيقدموا أعظـم مواعظ بالحكي 

........و بيحللوا قتــل المشــــــاعر بالبكي 

و بالسر كلو من ظـروفو يشتكي 

.......و عن حـــب عاشوا بجنّتو يتنــزّهوا 

و منحب نحكي الصح و نخاف الملام 

.......و عيـــون تنقل بالصدق أجمل كـلام 

منحب  اسم  الحب  و نقلّوا حرام

.....ليش الكـــذب و انتو الحقيقة بتفقهوا 

ليش الكذب و انتو الحقيقة بتعرفوا 

.......قولوا الصدق مرة و مشاعرنا انصفوا 

لا تفكروا بالزاد وحـدو بتكتفوا 

.......كافي و حــرام الحب اسـمو تشوّهوا 

خلوا القلوب تحب و تعيش الهنا  

....... بلكي الليـــالي الحالكه تضحك لنــا 

لا تعتبوا عالقـلب و تلوموا المنى 

........لـولا الأماني شموع عمــري بينتهوا

بالحب يحلا العيش و يطيب السمر 

.......و تموت أهل الحقد و يغيب الضجر 

قضيت عمري غازل و ناجي القمر 

........لا طَل صوبي و لا سمعت مرة نداه 

......تاري القمر وحدو ببعدو بيشبهو ......

.......................................................