عزف العتاب.. محمية للشاعر السورية لينا الخطيب
عزف العتابا
___________
لعزفلك ع الربابه
جهنم مفتوحه بوابا
كنك ياولفي عطشان
خدلك كاسه عتابا
كنا بتموز الحنون
ومياتو بالكوز جنون
صرنا بي آب المفتون
الدني تضرب ع جنابا
اجا وقتك يا أيلول
تبشرنا بديلو المبلول
سكران وماعندو أصول
شمسو نارا لهابا
شو صايرلك يالعشرين
تبدل آبك بتشرين
النسمه والله يخزي الغين
الكل بينطر ع بوابا
شرقي غربي مافي فرق
الغيمه بتمرق متل البرق
بتسرق منا النسمه سرق
شمالي جنوبي طلابا
لينا الخطيب
تعليقات
إرسال تعليق