مهما بعادي طال.. زجلية للشاعر السوري على شاهين حسن

 مهما بعادي يامهاتي طال

بيبقى فؤادك يختلج فيي

وبيضل اسمك غردو موال

مع نبض قلبي بكل حنيُة

حبك بدمي ساكن وبالبال

سارق حواسي ..مش بإيديي

بركان فيي ثار مع زلزال

لحظة ت مرقتي قبال عينيٌ

وبكل دقة سهم عينك نال

وقعت وماسمى واحد عليي

صرت بشغف عم انطر الجوال

يداوي برسالة روح مضنية

هجرك ياعمري قطٌع الاوصال

من هيك رح ودي الك مرسال

وقلبي معو رح قدم هدية