أمنيات. محكي للشاعر السوري مازن برهان قاسم
** أمنيات
بهالسنة نشفوا الدمعات
عاللي سافر اللي مات
واحتارت دقات القلب
وبعمري زادو الغصات
**
وبهالسنة يا ويللي
شو تعاتبت مع ليلي
وصارت كل مواويلي
حزن وحسرات وآهات
**
كانت سنة عجيبة
كل ساعة فيها مصيبة
اشتقنا فيها للطيبة
والألفة والأمنيات
**
ويا عام الجاية بكرة
علوة ما تعيد الكرة
بجاه محمد والعدرا
تتحقق فيك الغايات
**
وبالخير تطل علينا
وتنور ليالينا
وتحقق أمانينا
وتنسانا كل الويلات
**
ويتعافى فيك المرضان
وتضحك عيون الحزنان
ويعم علينا الأمان
وتشع حروف الكلمات
**
وبلادي من جروحا تطيب
وما يبقى فيها غريب
وآمال الأعداء تخيب
وعاترابا تحلا الحياة
**
تعليقات
إرسال تعليق