مشتاق. محكية للشاعر السوري محمد عزو حرفوش

 محكيّة..

.. مشتاق..

بتتذكري حدّي من كنتِ تمرقي

تستحي ويضيع عَ شفافك حكي

بين الضلوع تتسارع النبضات

هدّي ياروح الروح شو صاير بِكِ.

عيونك سبحان الله ما أجملا 

سواد  الليل   باناملو    كحّلا

حلوة و كلّ يوم بتزيدي حلا

تسحري القلوب و فيها تفتكي.

طيفك ملاك يسبح مع الغيمات

لحفاف الفجر تحرسو النجمات

وكلّ مَ تداعب خدودك النسمات

تتمايلي غنج و عَ كتفي ترتكي.

امسح عن جناحك بأيدي الندا 

عطر أنفاسك يسحرني ع الهدا

اهمس بإذنك تَ ما يسمعنا حدا

دايب بحبّك  لْمين بدّي اشتكي.

.. محمد عزو حرفوش..