رابوق. محكي للشاعر السوري سليمان أبو لطفي وسوف
. رابوق
حلي عني وانضبي
تعبان وعايف ربي
قدرتي عملتيني رابوق
وصرتي خلفي تتخبي
قدرتي عملتيني رابوق
عكتافي وصلتي لفوق
تركتيني بنارك محروق
وبلشتي الزيت تصبي
عا ناري صبيتي الزيت
بدروبك قلبي عليت
ياالله التوبه تربيت
شو بدي بهيك محبي
ظلمتو وحسبتو واشي
القلي عنك غشاشي
بعيوني كنتي فراشي
شو ما بقلك بتلبي
محتالي وقلبك قلاب
فنونك ماقريتا بكتاب
حربوقا نجمك جذاب
غلطت وسلمتك قلبي
كتير بحالك مغروره
معكوسه عطيتي الصوره
لبستي اقصر تنوره
تا الغيري بقلبي تدبي
لحبك ماعاد احتاج
مهما زودتي المكياج
حبك فالج مالو علاج
روحي وعليي سبي
ارشيف
سليمان ابو لطفي وسوف
الرابوق... هو الشاب الذي تستغله
الفتاة لتحريك مشاعر حبيبها الاصلي
تعليقات
إرسال تعليق