عالغصن. محكي للشاعر السوري علي عبد النبي
عالغصن وقّف بلبل و قلوّ
حلو الجمال يقدسك حلّو
الله عطاك العطر والألوان
هيدا لغز كيف بدك تحلو
قلو الغصن للبلبل الحيران
عندك طريقة للغصن دلّو
تنفّض البلبل رفرف الجنحان
وغرد لحن مافي طير متلو
نغمة بتجلي من القلب أحزان
حتى الطير والغصن بيصلّو
للخالق الأشياء والاكوان
وكأس العمر بالحب بيمَلو
تعلم من الأطيار يا انسان
إنو الخليقة عاشق ومعشوق
من حبهن خلق الكون كلو
بقلم الشاعر علي عبد النبي
تعليقات
إرسال تعليق