عتابا.. للشاعر السوري محمود علي علي
هليتك عجب من يمّي معدّو
وعمري سدى بغيابك معدّو
عودي نقر صل. لا. س. مع الدو
وري. مي. فا. والدمع انسكب
عحب ياولف عدياري معديت
وعمري بنوب بغيابك معديت
أنا قبّلت وجناتك مع الديت
وقلبك صار من صخر انقلب
اعترانا السقم هالغالي ما عدنا
وعلى فراقو ترى نصبر ما عدنا
طاف الجود من دمعي مع دنا
ن. الخمر والقلب بالجمر التهب
ضيا العيني قلبي الولف عدّ لو
وبعد فراق طال كتير عاد لو
سكبت الدمع والتهتان عادلو
وعليه الحزن دقّيت الطناب
من الأعيان هالمحبوب عديت
وعلى فراقو ليالي كتير عديت
أنا بعدو ضربت الديت عالديت
ولطمت الخد والقلب انسلب
ضربت خماسها وسداس بسباع
وبقالي من بحور السبع بس باع
شو نفع الدني يامحبوب بس باع
الولف خلّو بكمشي من التراب
قطعت بحور باقي فقط بس باع
وعلى حظي ضربت سداس بسباع
قلّي شو النفع ياقلب بس باع
الولف خلّو بكمشي من التراب
تعليقات
إرسال تعليق