سحر عيونك. محكي للشاعر السوري سليمان ابو لطفي وسوف
احد مبارك عليكم جميعا
سحر عيونك
بسحر عيونك بتمرا
بقشع حالي شب صغير
وعندي شوارب مشقرا
والشعر موبر توبير
زنودي الحلوي مسمرا
وجبيني منور تنوير
ومن فوق جبيني غرا
تلاعبها النسمه وتطير
كنتي يومتها غرا
تخيلتك طال التفكير
جايي معبايي الجرا
من العين رجعتي بكير
حملتي الزوادي بصرا
وبييك ناطر حد البير
المحبه مقدس سرا
نطرتك خايف حدالشير
امك بفزع من شرا
بصلي تعودي بلا تأخير
العلقه مع امك مرا
الله يسترنا ويجير
انتي بأمرك مش حرا
والداعي معتر تعتير
لما وعيت من شرودي
لقيتك مانك موجودي
علوا ياسنيني تعودي
شجره عمري مصفرا
وتشرين الناطر برا
مستعجل بلش تزمير
٢٠٢٢/٧/١٠
سليمان ابو لطفي وسوف
.
تعليقات
إرسال تعليق