حكايا.. محكي للشاعر السوري بطرس الجبور

 حكايا ...

..............

حكاية منعيشا سويّة

لاعبوديْة ولاهي رق

منغفا بعد السهريّة

ولا واحد فينا بيهق

لمّا منصحا الصبحيّة

الفجر بنورو علينا يشق

لا تعملّي رجوليّة

ان مالبّينا علينا الحق

الفاتورة طويلة شويّة

مصرياتك عدّ وبقّ

لا تأفف عينيّي

ولاتخلّي عيونك تبلق

حوّا كلّا نعوميّة

لسانا بيقرص متل البق

بدّك تصبر ياخيّي

يمّا المرارة بتطق

عاملها بالحنيّة

وبهداوة وشوف الفرق

لاتفكّر بالعصبيّة 

تحاكيها بيفلت الملّق

العادة عندا يوميّة

موجودة من يوم الخلق

بتعزفلك سمفونيّة

اليوم النق وبكرا النق

......

في عيلة موسيقيّة

ابنن شو معلّم عالرق

التاني خبرة كافيّة

بيسحب قوسو متل البرق

بعود التالت غنيّة

بتسمعها قلبك بيرق

وأمن بعدا صبيّة

بتضرب عصدرا وبتدق

وبيّن شيخ شبوبيّة

حليوا ولون عيونو زرق

كل مابيشرب نصيّة

عندو يزيد عيار العشق

بيستفرد بالأميّة

بيدوب تا يسرقها سرق

وهيّي بتقول خطيّي

أحسن ما يطقّلو عرق

بخاف تجيه المنيّة

فجأة وديرو بإيدي شرق

مارح خلّي ليليّة

تمر وما طرّي هالحلق

هيك السمعة مسميّة

نحنا عيلة دق بدق

والرغبات المخفيّة

بانت تشبه شمس الحق

لبست توب السهريّة

شفّاف وعجسما لزق

والماعندو حوريّة

النار بكبدو تحرق حرق

الموجب بدّو سلبيّة

وبطّاريّة نوعا برق

تخلّي الفرشة دافيّة

البرد بيعمل ضيقة خلق

..................................

.