وحدها ..محكي للشاعر السوري علي عبد النبي
وحدها بالليل سهرانة
بين الدمع والآه حيرانة
مقابيلها كان القمر سهران
عم ينظم مواويل وغناني
يمكن قمرها كان مو عرفان
إنو قبالو عيون نعسانة
ولّا قلب تنهيدتو نيران
صارو القمر بعيونها ولهان
وهيي بقمرها لْ غاب ولهانة
لما القمر بيفارقو ظلّو
بيغار منك قاعدة محلّو
بيحمرّ وجهو عالشفق بيصير
متل الطفل خجلان يا دلّو
وإنتِ حواليكي نجوم كتير
من حسن اوصافك مَ بيملو
بتمشو على دروب السما مشاوير
بشوفك وقلبي من الفرح بيطير
وبسرح بعالم ما إلو تاني
بقلم علي عبد النبي
تعليقات
إرسال تعليق