جغرافيا ..محكي للشاعر السوري رامز دلول

 -محكي- رامز دلول مع زينو زينو

جغرافيا الحب

فضيت كاسي من الهوى موعود

فيكي تعبي الكاس للشفه

كرهت حالي من عشق مرصود

بدي أناقه وفلسفه وعفه

مضيت عمري بالشقا منكود

ولمَّا انتقيتك رجحت الكفه

يا بنت يا اللي مبسمك عنقود

والراح عم ينضح من الشفه

قامه وضفاير طايره ونهود

وكرج الحجل بيشعل اللهفه

ولمس الخصر بيكهرب وبيجود

بحالات فيي بتخلق الرجفه

بيني وبينك هالجسم منشود

وناوي قوامك اغمرو بلفه

مادام انتي عارفي المقصود

بعبر نهر حسنك متل سباح

ع مساحتو ضفه بعد ضفه

رامز دلول