مغروره ..محكي للشاعر السوري سليمان ابو لطفي وسوف
. مغروره
كنتي تمرقي بالحي مرقا
دخيلك ليش بطلتي تمري
خايف لو مرورك صار سرقا
ولّا عم تمري بشكل سري
أنتي بعيون الأهل رزقا
أبوكي متابعك عامل تحري
جريمه تزرعي بالقلب حرقا
عوض مايكون بقلبك مقري
عشنا بالطفوله سنين رفقا
وكنتي القلب بالملقى تسري
ماعندي مقدرة أصبر ع فرقا
بوعودك باللقا واجب تبري
عهدتك من رفاقي الكل أرقا
جايي تعكّري صفوي تحري
قلبي وهبتك وباصم عورقا
أمانه شو بضمنا لاتقري
قلبك من قلوب الناس أنقا
غيري عا دروبك لا تجري
حنوني والقلب مليان شفقا
لا تنغرّي بجمالك لا تغري
الله يسامحك معقول اشقا
وأرشف ع بعادك كاس مري
عني لو غيابك طال ببقا
بضمن القلب رايد تستقري
قلبي تقبلك حسنه وصدَقا
حمامه من طريقي لا تفري
كوني من ملاك الرب انقا
إذا ردتي بهواي تستمري
(من ديواني حواش الغزل)
سليمان ابو لطفي وسوف
تعليقات
إرسال تعليق