غاب القمر .محكي للشاعر السوري علي عبد النبي
غاب القمر والعاشق السهران
ناطر حبيب القلب عالضفة
ضفة عليها بيمرقو غزلان
فيهن حلا الاوصاف والعفة
وينك تأخرتي على العطشان
خفي يا روحي خطوتك خفي
طلّت وع جبينا قمر نيسان
بحسن وجمال الكون ملتفة
وصوتها الأعذب من الألحان
قالت صباح الخير يا ولفي
وتبسمتلي بسمة النشوان
وكفها بلهفة حضن كفي
هيي وأنا والليل والفنجان
صرنا خمور العاطفة نقفّي
ما عرفت مين اللي بقي سكران
فنجانها ولّا أنآ وهيي
لمآ اختلا الفنجان بالشفة
بقلم علي عبد النبي
تعليقات
إرسال تعليق