من الوادي .محكي للشاعر السوري علي عبد النبي
من الوادي لحد القلعة درب العشاق
بين النزلة والطلعة القلب بيشتاق
ياسمرا إن ضيعتيني لاتقولي راح
بسرغايا بتلاقيني بين التفاح
هونيك القعدة زيني وماذة وقداح
كرزة ورمانة وتيني وخوخ ودراق
أهلا بشمس السورية يا أحلى ضيوف
يا وجوه الإنسانية وأهل المعروف
بالإعلام المرئية العالم بتشوف
صورة وكلمة محكية وحب وأشواق
جيتو وما كلفتونا يا أهل الذوق
عرفناكن وعرفتونا فيكن منروق
من لحظة شرفتونا قلبي مسروق
وأيا عيون بيفتونا مين السراق
بقلم علي عبد النبي
تعليقات
إرسال تعليق