شو مفيقك ..محكي للشاعر السوري ريان قداح
شو فيقك
💔💔💔💔💔💔💔💔💔💔💔
شو فيقك لسا الوقت بكير
ما فاقت من النوم العصافير
بعدو الندي سهران عاالوردات
والمي بعدا راقدي بالبير
قومي معي من قبل وش الضو
قبل البحر ماينشغل بالنو
نركب يختنا وتندهيلي لو
بقدر عاجنحي اخدك ونطير
قومي تانقعد عاطراف المسكبة/ي
وكلما مرق هاالوقت عدي واحسبي
ونحنا بلحظة حب بيفيق الصبي
بيخرب اللي كان بالتفكير
لاتستحي من الحب مانو ذنب
ولانو خطية ولا كفر بالرب
كان الحنان معشعش بهاالقلب
وعا دورنا صار العشق تقتير
عطيني شي بوسة من حلا خدودك
ببقى العمر غفيان عازنودك
كلما بحلاها تفرع نهودك
عطشان صفي متل طفل صغير
داخل عابيتك عالمسا سرقة
كحل عيوني بعينك الزرقة
وامرق عاتنورك ولو مرقة
اكل خبز ومحمرة وفطير
مشي تاناخد هالعشا معنا
وضو القمر بالحب يجمعنا
وننسى القهر يلي بمدامعنا
ونسهر نجوم السما نواطير
قومي البسي فستان هالسهرة
وتمكيجي بكحلي وقلم حمرة
وزيدي الحلا تاتعمر السكرة
وحقق انا وانتي الحلم الكبير
شوفيقك لسا الوقت بكير
ريان قداح/بقلمي
تعليقات
إرسال تعليق