الواوي ..محكي للشاعر السوري سليم عبد الله بابللي

 (( الواوي )) 

كلمات : سليم بابللي

         *.  *.  *  .      

في أحوالن يصطفلو

        كل واحد حرّ بقفلو

حَطّو للجاجات قفال

     و عن قفل الواوي غفلو

   *.  *.  *

أبصر شو بّدّو يساوي

     و عا مين و عا شو  ناوي

أوعى تأَمِّن للواوي

     لو شيخ الحارة كفلو

    *.  *.  *

مهما يتقلّب و يزيد

     كتر الحكي ما بفيد

في حارتنا حلمو بعيد

     وحدة من توبو يشفلو

         *.  *.  *

يا خوفي يضرُب جنون

     و يكون اللي ما بكون

بالمعميكة الدّهر يخون

     و زهر الحارة يقطفلو

    *.  *.  *

ضَلَّك بالحارة أمكن

     مهما تلوَّن و تمسكن

إن كان الواوي تمكّن

       ( بدّك الحارة تعفلو )

سليم عبدالله بابللي