ع دروبنا ..محكي للشاعر السوري علي عبد النبي
ع دروبنا كنا سوا نمشي
ورمشك يغازل بالهوى رمشي
غصون الشجر من حولنا مرايات
ومن فوقنا طيور الحجل كشة
عن حبنا احكيلك حكايات
وتتطلّعي فيي بروح نغشة
عشفافنا تتسابق الكلمات
وصابيعنا بكفوفنا ورشة
وبقلوبنا للحب في غايات
أسرارها بنظراتنا نفشي
و نضل حتى يطلعو النجمات
شفة وشفة نشرب من الحب
ولما الظلام يضمنا نمشي
بقلم علي عبد النبي
تعليقات
إرسال تعليق