لاتزيدي غناج .. محكي للشاعر السوري سليمان أبو لطفي وسوف
.......... لاتزيدي غناج ............
شفت السحر بعينيكي بحر وامواج
من البحر بخاف عليكي لو جن وهاج
بدي ابقى اعطيكي لتقولي حاج
لكن الله يخليكي لا تزيدي غناج
رمش عيونك جارحني ياست الذوق
قلبك لو بيصارحني بيطفي الشوق
بسأل ربي يسامحني العالي من فوق
محبة قلبك يمنحني لحبك محتاج
حرقتي قلب الي شافك عدرب العين
اللون الاحمرا عشفافك ضوا الخدين
بدل الجره عكتافك شلتي تنتين
جن الشافك ماعافك صار بدو علاج
غارو من حبي ليكي شبان الحيي
شافو الدمعة بعينيكي ما قالو خطي
ما مرة شفقو عليكي وسقيوكي ميي
دمع عيوني بسقيكي لولا المكياج
نامي براحة لا تخافي غدر الايام
تهني بهل جو الصافي وشوفي احلام
علوا بحضنك هل الدافي تخليني نام
بتدفي من وهج شفافي وبلا شوفاج
ارشيف
سليمان ابو لطفي وسوف
تعليقات
إرسال تعليق