خمرة الحب ..محكي للشاعر السوري محمد عزو حرفوش

 محكيّة..

خمرة الحب.. 

لمّا بتغيبي  بعدك ما في فجر.

سبحان الله لْ واهبك هالسحر.

كلما بتشرقي ع شبّاك روحي

بعرفك مرّة شمس  ومرّة بدر.

وهالليل سارح عَ متن الكتاف 

يمكن شلاّل حرير ويمكن شَعر.

أمواج بعيونك تحكي حكايات

يا ريتني قبطان مسافر بهالبحر. 

وعنّاب مزيّن أنامل من ماس

بيرسم أمل للغوى بيطفي الجمر.

صبّي من شهد لماكِ بشي كاس

يمكن مفتي العشق يحلل الخمر.

إذا الله ما وهبني هيك إحساس

ما في رجا بينّطر من باقي العمر. 

.. محمد عزو حرفوش.