صبي ..محكي للشاعر السوري علي عبد النبي
صبي ودقي كاس بكاس.... وجودي بنظراتك جودي
بشوف خيالك بين الناس.... وانتي بقلبي موجودي
كاس بكاس وعين بعين.... ونظرة نقدي ونظرة دين
وعدتيني نتلاقا وين ..... لغيرك مابوفي وعودي
طول عمري قبالك مابمل.... انتي اللغز وانتي الحل
بتطلع بعيون الكل .... وحدك انتي المقصودي
بنظراتك ضويتي نجوم.... وبأهك فرجتي هموم
بعينك تنهيديت مغروم.... ولا طلقات بارودي
تلاقينا ع حفافي النهر.... ودعننا أيام القهر
بيك بدو شهود ومهر .....قلبي وعينيي شهودي
شو مابتقولي امين .... انتي ياست الحلوين
قلبي ودقاتو حساسين....وعينيكي جوزفرودي
القلب بيشكي من الحرمان.... ومتلك مابيعشق انسان
قبلك ضايع قلبي كااان .... وفيكي حققت وجودي
بقلم علي عبد النبي
......... .......... .............
تعليقات
إرسال تعليق