هاوي. ..محكي للشاعر السوري سليمان أبو لطفي وسوف
احد مبارك عليكم
هاوي
انا هاوي ع حب الشعر رابي
ع دربو ضيعت زهرة شبابي
ولما العمر اشرف ع النهايي
صارت عيشتي هم وكأبي
علوا عرفت هيك من البدايي
مأكد كنت بطلت الكتابي
لاقدر الشعر يرفع مستوايي
وضمان الأخره مافي نقابي
ولا تفكير فينا ولا عنايي
والاهمال زود في عذابي
كأني مجرم وعامل جنايي
لصار الفقر والحاجي عقابي
حكاية عمرنا صارت روايي
عناالبشرصاروا وحوش غابي
ماهمن مين راح ومين جايي
بيقلك بس عبيلي جيابي
يا ابني غايتي انت ورجايي
وانت ثروتي وأغلى حبابي
اذا مقصر بحقك ياضنايي
مابدي تحقد وتنكر اتعابي
قوافي الشعر عندي مثل ايي
امانه عليك لو طول غيابي
ضلك للشعر رافع الرايي
ولو سألوك شو تارك صحابي
ماتارك مال تورث من ورايي
قلن من الشعر تارك خوابي
٢٠٢٤/١/٢١
سليمان ابو لطفي وسوف
تعليقات
إرسال تعليق