غزالة .. محكي للشاعر محمد عزو حرفوش من سورية
محكيّة غنائيّة..
غزالة..
طفّي هالشمعة طفّي
نور خدودك بِيكفّي
بوجودك مابدي كاس
بسكر من خمر الشفّه/ي
خليني اغرق بعيون
بِ سحرا عقلي مفتون
شو بعمل فيكِ مجنون
واقف عَ طراف الحفّه/ي
تَاشوفك مالي أعذار
بْفكّر فيكِ ليل نهار
بغيابك قلبي اعصار
يزبد يرعد ما يطفّي.
لمّا بشوفك مع غيري
بتحرقني نار الغيره/ي
خايف من حدّي تطيري
ويفلتْ خيطك من كفّي.
.. محمد عزو حرفوش.
تعليقات
إرسال تعليق