غياب الأم ..محكي للشاعر السوري محمد عزو حرفوش
غياب الأم.(محكيّة غنائية)
غبتِ ياأمي والفرح بعدك غاب
الورد من حزنو دبلت أوراقو
اعتلّ القلب عَ فراقك وداب
لو تعرفي صوتك عم اشتاقو
كل شي تغيّر من هول المصاب
وكلّ ذكرياتك الحلوة فاقوا
عمري يا أمي عَ رحيلك شاب
ما بقي مرّ هالقلب ما داقو
الأم عطر فايح بكل كتاب
حروفو طهر بتعانق أوراقو
بيت لْ مافيه أم تفتح الباب
انهدّت أركانو وبليت أعناقو
اللي ماعندو أم يشقشق تياب
يبكي ويخبي صورها بأحداقو.
.. محمد عزو حرفوش.
تعليقات
إرسال تعليق