ارجعلي ... محكي للكاتب محمد عزو حرفوش من سورية

 ارجعلي..

محكيّة غنائيّة. 

كذّاب انت بالعشق

ماتعرف معنى الصدق

استنيت تَ قلبي غرق

وشديت رحالك.

بس  ولّعتني  ورحت

طاقة بِصدري فتحت

بتمنّى تكون  ارتحت

وطمّنت بالك.

المحبّه ماتجي غصب

بْ تحتل أركان القلب

وبتعبّي  السلّه  عنب

بتزهر كرمالك.

ياما خلفت بالوعد

شو  بدّك منّي بعد 

مالي جلد ع البعد

هجرتني مالك؟

ما فيني انسى حبّك

بشوفك دغري بتلبّك

ارجعلي كرمى لربّك

حبّي رسمالك.

حبّي إلك طاهر نقي

مع طول غيابك بقي

ياشمس العمر اشرقي

ياولف نيّالك.

.. محمد عزو حرفوش.